Սիրելի երիտասարդներ,
քանի որ նախկին 2 էջերս Ազգային հեղափոխության մեկնարկի պատճառով փակվելուց հետո նոր
էջիս ընկերության հայտ տվողների մեծ մասը երիտասարդներ էին, ինքս էլ լինելով երիտասարդ,
ավելի անկաշկանդ շփման պատրաստակամություն ցուցաբերեցի: Սակայն, լուրջ քաղաքականությունը
լուրջ գործելաոճ է պահանջում և Հայաստանում առկա մեղմ ասած անառողջ քաղաքական մրցակցության
մեջ լինել կին և ձգտել դառնալ վարչապետ շատ դժվար է լինելու և պահանջվելու է լուրջ
մոտեցում թե իմ կողմից, թե բոլոր այն մարդկանց, ովքեր իսկապես կվստահեն ու կհավատան
իմ ազգային ժողովրդական նվիրումներին և ֆիզիկապես պատրաստ կլինեն կանգնել իմ կողքին:
Ուստի, եկեք լուրջ քաղաքական երևույթներին լուրջ վերաբերմունք դրսևորենք, իսկ երբ կատակի
տրամադրություն ունենանք, ինչու ոչ, նաև կատակենք: Հուսով եմ մարդկային փոխարաբերությունների
այս առողջ բալանսը կկարողանանք պահպանել և առանց մարիխուանա ծխելու միմյանց ժպիտներ
կպարգևենք՝ մեր շփումը կառուցելով փոխադարձ հարգանքի, սիրո և համերաշխության վրա: